BiełTA
Film «Janka Kupała» źjaviŭsia na biełaruskim telehram-kanale «Biełaruś hałaŭnoha mozhu», piša Tut.by.
Hiendyrektar «Biełaruśfilma» Uładzimir Karačeŭski adkazaŭ koratka:
— Ja ničoha nie budu kamientavać. Skažu tolki, što heta pirackaja viersija, i hetamu budzie dadziena pravavaja acenka.
Kinakrytyk Taras Tarnalicki hladzieŭ film jašče ŭ lutym 2020 hoda. Karcinu jamu pakazaŭ režysior Uładzimir Jankoŭski. Tarnalicki upeŭnieny, što havorka nie idzie pra vynikovuju viersiju filma.
— Heta čarnavaja viersija. My hladzieli vynikovuju, jakuju bačyli i adobryli biełaruskija čynoŭniki. Chutčej za ŭsio, u sietku trapiła viersija na stadyi mantažu. Na joj niama koleru i hrafiki. Film možna hladzieć, siužet zrazumieły. Ale karcina nie budzie nastolki pryhožaj, jak u vynikovaj viersii.
Na dumku Tarnalickaha, rašeńnie vykłaści film — «pramoje škodnictva».
— Isnuje narmalny praces dystrybucyi karciny. Jana pavinna prajści pa fiestyvalach, a zatym jaje možna budzie ŭbačyć u sietcy abo ŭ kinateatrach. «Janku Kupału» pavinny byli pakazać u hetym hodzie. Jak ja razumieju, na fiestyvali «Listapad» i na inšych zamiežnych fiestyvalach. Ni pra jakuju admienu abo pieranos premjery havorki nie išła, tamu navošta vykładvać zaraz — nie zusim zrazumieła.
