Ministerstva zamiežnych spraŭ Polščy abvierhła infarmacyju pra telefonnuju razmovu pamiž abanientami ŭ Varšavie i Bierlinie, padčas jakoj abmiarkoŭvałasia falsifikacyja atručvańnia Alaksieja Navalnaha. Pra heta polskaje zamiežnapalityčnaje viedamstva paviedamiła ŭ paniadziełak u adkaz na zapyt TASS.
«My abviarhajem biełaruskija paviedamleńni ab tym, što mieła miesca telefonnaja razmova na linii Varšava — Bierlin, u jakoj ułady dźviuch krain byccam by pryznali, što Alaksiej Navalny nie byŭ atručany», — paznačana ŭ paviedamleńni.
«My prymajem zajavu kanclera Anhieły Mierkiel i ŭrada Niamieččyny ab tym, što Alaksiej Navalny byŭ atručany bajavym atrutnym rečyvam z hrupy tak zvanych «Navičkoŭ», — adznačyŭ MZS Polščy, vykazaŭšy vialikuju zaniepakojenaść u suviazi z hetaj infarmacyjaj.
«Jak i ŭrad Hiermanii, my asudžajem hety haniebny ŭčynak. My ličym, što vinavatyja ŭ zamachu na zabojstva Alaksieja Navalnaha pavinny być pryciahnutyja da adkaznaści», — kanstatavała viedamstva.
