Ab hetym zajaviŭ u niadzielu žurnalistam ministr zamiežnych spraŭ Čechii Tomaš Pietržyčak, piša TASS.
«Liču, što sankcyi ES [suprać pradstaŭnikoŭ biełaruskich uładaŭ] ŭstupiać u siłu nie paźniej za 21 vieraśnia, — adznačyŭ jon. — Pieršapačatkova ŭ sankcyjny śpis uvachodziła 20 asob, adkaznych za manipulacyi padčas vybaraŭ i prymianieńnie siły suprać udzielnikaŭ akcyj pratestu. My znoŭ nazirajem žorstkaje abychodžańnie ź mirnymi demanstrantami, tak što hety śpis u najbližejšyja dni my (ES) možam pašyryć».
Metaj ES, pa słovach ministra, źjaŭlajecca pačatak pieramoŭ pamiž biełaruskimi ŭładami i apazicyjaj. Minsk, akramia taho, pavinien vykanać abaviazacielstvy, jakija vynikajuć z členstva Biełarusi ŭ ABSIE, i zabiaśpiečyć, u pryvatnaści, dziejnaść misii hetaj mižnarodnaj arhanizacyi ŭ Biełarusi.
