burst.shopify.com
Abanienty biełaruskich apierataraŭ pačali paviedamlać ab prablemach z dostupam u sietku praz mabilny internet u Minsku, piša Tut.by.
Pa słovach karystalnikaŭ, ciažkaści z dostupam u roznych častkach Minska pačalisia kala 14.30.
Abanienty skardziacca, što sajty albo nie hruziacca ŭ pryncypie, albo na heta sychodzić pa niekalki chvilin — heta značyć značna bolš, čym zvyčajna. Anałohiju možna pravieści i ź miesienžarami — abnavić pierapisku ŭ čacie abo, naprykład, prahledzieć tam miedyja-fajły atrymlivajecca nie va ŭsich. Ź fiksavanym internetam na momant publikacyi materyjału surjoznych prablem niama.
Za BYnet adznačaje, što suviaź praz 2G pracuje narmalna.
Kali bačycie hetaje paviedamleńnie i majecie prablemy z dostupam u internet, pasprabujcie zajści ŭ telefonie ŭ Nałady → Mabilnyja sietki → Mabilnaja pieradača danych → Pieravažny režym sietki i vybrać 2G.
Nahadajem: padobnaja situacyja nazirałasia ŭ minułuju niadzielu, 30 žniŭnia. Tady apieratary zajaŭlali, što «ŭ adpaviednaści z rasparadžeńniem upaŭnavažanych dziaržaŭnych orhanaŭ prapusknaja zdolnaść mabilnaha internetu była źnižana».
