Kiraŭnik MZS Litvy Linas Linkiavičus zaklikaŭ biełaruskija ŭłady vyzvalić zatrymanych supracoŭnikaŭ minskaha ofisa amierykanskaj kampanii PandaDoc. Pra heta jon napisaŭ u Twitter.
«Niadaŭnija ataki na biełaruski IT-siektar — heta hańba. Zaklikaju nieadkładna vyzvalić niezakonna zatrymanych», — havorycca ŭ tekście.
U ofisie PandaDoc 2 vieraśnia prajšli pieratrusy, čatyroch supracoŭnikaŭ zatrymali i zaviali na ich kryminalnuju spravu pa č. 4 art. 210 KK Biełarusi. Pad aryštam znachodziacca hałoŭny buchhałtar Julija Šardyka, dyrektar filijała Dźmitryj Rabcevič, dyrektar pa pradukcie Viktar Kuŭšynaŭ i supracoŭnik adździeła kadraŭ Uładzisłaŭ Michałap.
Pa paviedamleńni kampanii, jaje supracoŭniki abvinavačvajucca ŭ tym, što jak hrupa asob, vykarystoŭvajučy svajo słužbovaje stanovišča, jany zavałodali hrašovymi srodkami ŭ pamiery kala 107 tys. rubloŭ ź biudžetu, pryčyniŭšy tym samym škodu dziaržavie.
U PandaDoc ŭpeŭnienyja, što zatrymanyja supracoŭniki stali achviaraj «palityčnaha zakazu» z-za inicyjatyvy adnaho z zasnavalnikaŭ kampanii Mikity Mikady, jaki zaklikaŭ dapamahać zvolnienym siłavikam.
