Kiraŭnik Biełaruskaj pravasłaŭnaj carkvy jepiskap Vienijamin źviarnuŭsia z prośbaj uźnieści 6 vieraśnia va ŭsich chramach i manastyrach krainy sabornuju malitvu za Biełaruś.
«Darahija Uładyki! U najbližejšy niadzielny dzień, 6 vieraśnia, … prašu ŭsich vas zaklikać duchavienstva i pastvu jeparchij znoŭ uźnieści ŭ chramach i manastyrach sabornuju malitvu ab Ajčynie našaj», — źviarnuŭsia jon da kiraŭnikoŭ usich dyjacezij. Poŭny tekst zvarotu apublikavany na aficyjnym sajcie BPC.
Vienijamin prapanavaŭ pravodzić sabornuju malitvu kožnuju niadzielu, «pakul iznoŭ nie vierniecca ŭ našu Ajčynu spakoj i mir». U haradskich chramach malebny śpievy z kanonam i akafistam budzie ździajśniacca ŭ 17:00, a ŭ sielskich prychodach — adrazu paśla zakančeńnia liturhii.
