Dźmitryja Łukomskaha zatrymała milicyja 3 vieraśnia. Jon vyjšaŭ z domu ŭ kramu, i jaho schapili milicyjanty ŭ cyvilnym. Aktyvista pryvieźli ŭ sud, ale jamu zrabiłasia błaha. Jaho špitalizavali, piša «Radyjo Svaboda».
Viečaram 3 vieraśnia Łukomskaha adpuścili z balnicy. Ranicaj 4 vieraśnia jaho znoŭ vyklikali ŭ milicyju, potym zavieźli ŭ sud i aryštavali na 10 dzion.
Da taho Łukomskaha zatrymlivali 11 žniŭnia. Jaho mocna pabili ŭ Centralnym RAUS. Kali jon vyjšaŭ ź IČU 16 žniŭnia, to byŭ «uvieś sini». Jon kazaŭ, što jaho bili dručkami pa hałavie, nahach, kałoli ihołkami, prymušali kryčać «Ja lublu milicyju».
Paśla vyzvaleńnia Łukomski zafiksavaŭ źbićcio i padaŭ skarhu ŭ Śledčy kamitet. Ale adkazu dahetul niama.
«Tolki z Centralnaha RAUS telefanavali i svarylisia na mianie za toje, što ja padaŭ zajavu na ich, vymušali pryjści da ich», — apaviadaŭ raniej «Svabodzie» Łukomski.
