16-hadovaha Cimura M., jakoha pryvieźli ŭ 3-ju dziciačuju balnicu Minska z Partyzanskaha RUUS 13 žniŭnia, a 12 žniŭnia zatrymali ŭ rajonie Kamiennaj Horki, dastavili va USK pa Minsku. Jak raspavioŭ tut.by jahony advakat Stanisłaŭ Abraziej sa spasyłkaj na słovy maładoha čałavieka starejšaj siastry Cimura, padletka zatrymali siońnia ranicaj i advieźli na dopyt u ramkach art. 293 KK (Masavyja biesparadki).
Bolš nijakich abstavin spravy Stanisłaŭ Abraziej na hety momant nie viedaje, jon terminova vyjechaŭ u Miensk da svajho padabaronnaha. Jon adznačyŭ, što małady čałaviek starejšaj siastry Cimura raspavioŭ, što padletka zatrymali razam ź siastroj siońnia ranicaj. Ciapier jon va USK pa Minsku, jaho płanujuć dapytvać u ramkach art. 293 KK (Masavyja biesparadki).
Nahadajem, Cimur M. byŭ u miedykamientoznaj komie, jaho dastavili ŭ balnicu z RUUS z čerapna-mazhavoj traŭmaj, strasieńniem hałaŭnoha mozhu, adkrytym pierałomam skuła-arbitalnaha kompleksu, sutarhavym sindromam, paraarbitalnaj hiematomaj sprava, množnymi ŭdarami miakkich tkanin i kaniečnaściej, traŭmatyčnymi erozijami rahavicy abodvuch vačej.
