Lubyja demanstracyi adkinuć našy krainy nazad, zajaviŭ ministr zamiežnych spraŭ Biełarusi Uładzimir Makiej na sumiesnaj z rasijskim kaleham pres-kanfierencyi ŭ Maskvie, piša Tut.by.
— Navat drennyja vybary buduć spryjać ruchu našaj krainy napierad, — upeŭnieny Makiej. — Lubaja revalucyja pryvodzić da taho, što ljecca kroŭ. My suprać lubych revalucyjnych uzrušeńniaŭ, tym bolš arhanizavanych zvonku.
Makiej taksama prakamientavaŭ zatrymańni ŭ Minsku rasijskich žurnalistaŭ.
— My kateharyčna suprać taho, kab žurnalisty ŭklučali siabie ŭ supraćzakonnyja dziejańni. Adna sprava, kali žurnalist abjektyŭna daje infarmacyju, inšaja sprava - strym, dzie demanstranty pryzyvajucca da ździajśnieńnia supraćpraŭnych dziejańniaŭ.
Kiraŭnik MZS taksama adkazaŭ na pytańnie ab madalnaści abiacanaj kanstytucyjnaj reformy ŭ Biełarusi. Jon adznačyŭ, što terminy kanstytucyjnaj reformy nie paznačanyja — hod-dva-paŭtara, dakładniej ministr nie skazaŭ, adznačyŭšy tolki, što stvorana rabočaja hrupa, jakaja rychtuje papraŭki ŭ Kanstytucyju. Makiej abiacaŭ abmierkavańnie papravak «z usimi katehoryjami nasielnictva».
— Heta aptymalny varyjant, jak nie parušajučy zakonaŭ arhanizavać dyjałoh, deeskałacyju situacyi, - miarkuje jon.
