Na Nacyjanalnym pravavym partale apublikavanaja pastanova Ministerstva adukacyi ab zaćviardžeńni navučalnych prahram fakultatyŭnych zaniatkaŭ dla 10-11 kłasaŭ.
fota Nadziei Bužan
«Škoła abaroncy Ajčyny», «Psichałahičnyja asnovy vybaru vajennaj prafiesii», «Abaroncy biełaruskaj ziamli», «Abaroncy Ajčyny», «Miedycyna ekstremalnych situacyj», — voś ich nazvy.
Dekłarujucca mety vychavańnia ŭ vučniaŭ pačućcia hramadzianskaha patryjatyzmu i nacyjanalnaj samaśviadomaści.
U vyniku ŭ školnikaŭ pavinny sfarmiravacca «viedy ab historyi svajho naroda, sučasnaj vajenna-palityčnaj abstanoŭcy, sučasnym biełaruskim vojsku i hieraizmu naroda pry abaronie radzimy».
Źmiest vučebnych prahram u histaryčnym błoku ŭ mnohim dubluje prahramu pa pradmiecie Historyja. Składalniki šmat uvahi nadajuć epizodam zmahańnia z ahresarami z Zachadu, ale zusim mała — epizodam zmahańnia z ahresarami z Uschodu. Nie zrazumieła, jak poŭna buduć adlustravany dramatyčnyja padziei «Kryvavaha patopu» 17 stahodździa.
Miarkujučy z apisańnia, padziei vajny 1812-ha pradstaŭlenyja z pazicyj rasijskaj histaryjahrafii, jak, zrešty, i padziei pačatku XX stahodździa.
Vialiki błok pryśviečany padziejam Druhoj Suśvietnaj vajny, pa vyniku zasvajeńnia školnikam taksama prapanujecca praktyčnaja častka — znajści śviedkaŭ i zanatavać ich uspaminy.
Na fakultatyŭ «Psichałahičnyja asnovy vybaru vajskovaj prafiesii» advodzicca 70 hadzin.
Za 35 hadzin kursa «Abaroncy Ajčyny» školnikaŭ navučać psichałahičnamu supraciŭleńniu, pravilnaj identyfikacyi sił NATA i mietadam źniščeńnia vajennaj techniki.
A taksama strajavoj padrychtoŭcy, asnovam strałkovaj, aznajomiać z vajskovymi statutami i hetaj dalej — taki ścisły kurs maładoha bajca.
Taksama dziaciej buduć vučyć analizu paviedamleńniaŭ ŚMI, kab vyjaŭlać u ich prykmiety manipulacyj.
Adzin ź mietadaŭ supraćdziejańnia psichałahičnaj ahresii: «Ideałohija biełaruskaj dziaržavy».
U kursie miedycyny buduć praktyčnyja parady, jak dziejničać u krytyčnych situacyjach, pry roznych traŭmach. Ale raskažuć taksama i pra pałavyja infiekcyi.
U kamientaryi «Našaj Nivie» u Minadukacyi zapeŭnili, što naviedvańnie fakultatyvaŭ — vyklučna dobraachvotnaja sprava.
