Takimi paviedamleńniami pry kancy minułaha tydnia stali strakacieć telehram-kanały.
U Kalininhradzie staršynia CVK vučyłasia, a potym pracavała niejki čas pamočnikam prakurora. U hetym rasijskim horadzie ŭ jaje zastalisia siabroŭki, a taksama były muž.
«Naša Niva» patelefanavała ŭ CVK, kab spraŭdzić heta ŭ samoj spadaryni Jarmošynaj, ale takoj mahčymaści nie dali. Žančyna, jakaja adkazvaje na zvanki, skazała, što «heta fejk», ale Jarmošyna razmaŭlać nie budzie. My nastajali, kab sakratarka ŭsio ž udakładniła heta ŭ samoj Jarmošynaj.
Praz paru chvilin «Našaj Nivie» paviedamili: «Lidzija Michajłaŭna nie daje kamientary niedziaržaŭnaj presie».
«Jak daŭno? Jašče ž zusim niadaŭna narmalna kamunikavała». «Nie viedaju, takoje rasparadžeńnie načalstva», — jakoje mienavita «načalstva» dało takuju kamandu, nichto nie ŭdakładniŭ.
U bazach ahienctvaŭ nieruchomaści niama abviestak ab prodažu katedža Jarmošynaj u Drazdach.