«Ja napružvajusia tolki z adnoj nahody: chaču abaranić toje, što my stvarali čverć stahodździa svaimi rukami. My z ruin i popiełu ŭźniali hetuju krainu», — zajaviŭ Alaksandr Łukašenka ŭ Baranavičach, piša BiełTA.
Jon padkreśliŭ, što jaho padtrymlivajuć miljony ludziej, i jon aścierahajecca, što kali alternatyŭnyja siły pryjduć da ŭłady, to parežuć usio na kavałki, pačnuć rezać hetych ludziej i ich dziaciej. «Voś što mianie bolš za ŭsio turbuje. Nie ŭładu, jak u Rasiei niekatoryja kažuć: «Łukašenka śsiniełymi palcami trymajecca za ŭładu». Ja nie chaču, kab parezali na kavałki maju krainu, jakuju ja lapiŭ na abłomkach impieryi, i nie chaču, kab parezali sumlennych, prystojnych ludziej, jakija pracavali na heta. Heta budzie nie lustracyja, jak niekatoryja kažuć. Heta budzie raźnia. I toje, što adbyłosia va Ukrainie, budzie kvietačkami», — skazaŭ kiraŭnik dziaržavy.
