Nieabchodnaść u naviaźlivych pasrednickich pasłuhach dla ŭrehulavańnia situacyi ŭ Biełarusi siońnia adsutničaje. Pra heta zajaviŭ u aŭtorak ministr zamiežnych spraŭ Rasii Siarhiej Łaŭroŭ, vystupajučy pierad studentami i vykładčykami MHIMO, piša TASS.
Kiraŭnik MZS RF taksama adznačyŭ, što Rasija ŭ situacyi ŭ Biełarusi budzie kiravacca mižnarodnym pravam i isnujučymi pamiž krainami abaviazacielstvami.
Jak adznačyŭ ministr, siońnia šerah zachodnich krain, siarod jakich jak susiedzi Biełarusi, tak i tyja, chto znachodzicca daloka za akijanam, u pieršuju čarhu ZŠA i Kanada, imknucca «naviazać niejkija padychody da pieraadoleńnia ciapierašniaj situacyi ŭ Respublicy Biełaruś». «My ličym, što nieabchodnaści ŭ jakich-niebudź dakučlivych pasrednickich pasłuhach niama», — padkreśliŭ Łaŭroŭ.
Łaŭroŭ taksama padkreśliŭ, što Rasija ŭ dačynieńni da stanovišča spraŭ u Biełarusi budzie kiravacca mižnarodnym pravam i isnujučymi pamiž Maskvoj i Minskam abaviazacielstvami.
Pavodle jaho słoŭ, siońnia Biełaruś pražyvaje składanyja časy. «My svaju pazicyju vielmi vyrazna vykłali. My budziem kiravacca mižnarodnym pravam, tymi abaviazacielstvami, jakija isnujuć pamiž nami i Respublikaj Biełaruś — padkreśliŭ jon. — I, viadoma, my chočam, kab samim biełarusam była pradastaŭlena mahčymaść vyrašyć svaje prablemy, bieź jakoha-niebudź ŭmiašańnia zvonku».
Rasija ličyć, što prapanavanaja Alaksandram Łukašenkam kanstytucyjnaja reforma budzie aptymalnaj płatformaj dla dyjałohu ŭ krainie, adznačyŭ Łaŭroŭ.
