31 žniŭnia sud Janaŭskaha rajona Bresckaj vobłaści razhledzieŭ spravu Śviatłany Voŭčak — vykładčycy BDU, jakaja ŭdzielničała ŭ stvareńni strajkavaha kamiteta va ŭniviersitecie. Joj dali 15 sutak administracyjnaha aryštu za ŭdzieł u niesankcyjanavanym masavym mierapryjemstvie, jaje mužu Michaiłu — stolki ž, piša Tut.by.
19 žniŭnia studenty i vykładčyki źbirali podpisy pad pietycyjaj u adras rektara BDU Andrej Karala. Fota: Dźmitryj Bruško, Tut.by.
Śviatłanu Voŭčak i jaje muža Michaiła zatrymali ŭviečary 28 žniŭnia ŭ vioscy Zastružža Janaŭskaha rajona.
Abaich sudzili pa artykule 23.34. Jak vynik — sud vynies rašeńnie dać kožnamu pa 15 sutak administracyjnaha aryštu, paviedamiła Volha, siastra Michaiła. Akramia hetaha, u ich kanfiskavali častku techniki.
