Jaŭhiena Masłava, advakata siabra prezidyuma Kaardynacyjnaj rady Volhi Kavalkovaj, znoŭ nie puścili da padabaronnaj, paviedamlaje «Radyjo Svaboda».
31 žniŭnia Jaŭhien Masłaŭ naviedaŭsia ŭ SIZA Žodzina, dzie Volha Kavalkova adbyvaje 10-dzionny administracyjny aryšt za ŭdzieł u «niesankcyjanavanym masavym mierapryjemstvie» la prachadnoj Minskaha traktarnaha zavoda.
Advakatu admovili ŭ sustrečy, spasłaŭšysia na «składanuju epidemičnuju situacyju». Jak patłumačyŭ Jaŭhien Masłaŭ, udałosia vyśvietlić, što jahonaja padabaronnaja znachodzicca ŭ korpusie №1 na terytoryi SIZA z «asablivym padparadkavańniem». Kaardynacyja adbyvajecca nie z boku orhanaŭ vykanańnia pakarańniaŭ, a z boku Žodzinskaha RAUS.
0
0
0
0
0
0
