Biełaruś praciahvaje aktyŭna rychtavacca da ČS pa chakiei, jaki praviadzie sumiesna z Łatvijaj. Ab hetym skazaŭ premjer-ministr Raman Hałoŭčanka na pasiadžeńni arhanizacyjnaha kamiteta pa padrychtoŭcy i praviadzieńni ŭ 2021 hodzie ŭ Minsku čempijanatu śvietu pa chakiei, paviedamlaje ŭrad.
Jak adznačyŭ premjer-ministr, čempijanat-2020, jaki pavinien byŭ adbycca ŭ Šviejcaryi, praź niestabilnuju epidemijałahičnuju situacyju byŭ admienieny. Ale pakul, na radaść šmatlikich amataraŭ chakieja, čempijanat 2021 hoda, zapłanavany ŭ Minsku i Ryzie, zastajecca ŭ paradku dnia. Terminy jaho praviadzieńnia krychu źmianilisia: na hety čas jon zapłanavany z 21 maja pa 6 červienia 2021 hoda.
Pavodle słoŭ Ramana Hałoŭčanki, niekatoraje ździŭleńnie vyklikajuć zajavy partnioraŭ pa turniry. «Premjer-ministr Łatvii zajaviŭ ab tym, što płanuje źviarnucca da Mižnarodnaj fiederacyi chakieja ź inicyjatyvaj ab zamienie Biełarusi na inšuju krainu. Takaja zajava hučyć dziŭna, asabliva ŭličvajučy, što fiederacyi chakieja abiedźviuch dziaržaŭ pradaŭžajuć efiektyŭnaje ŭzajemadziejańnie pa padrychtoŭcy turniru ŭ supracoŭnictvie ź Mižnarodnaj fiederacyjaj chakieja», — skazaŭ jon.
U svaju čarhu vykonvajučy abaviazki staršyni Fiederacyi chakieja Biełarusi Dźmitryj Baskaŭ adznačyŭ: «U nas jość kantraktnyja abaviazacielstvy pa praviadzieńni čempijanatu śvietu pa chakiei z łatvijskim arhkamitetam, ale kali pa niejkich pryčynach łatvijski bok admovicca pravodzić sumiesny čempijanat, to ŭ nas dastatkova resursaŭ i mahčymaściej infrastruktury, kab pravieści jaho samastojna».
