Nazvany doŭhi śpis pretendentaŭ na premiju Hiedrojca

Žury Premii Hiedrojca vyznačyła doŭhi śpis pretendentaŭ na sioletniuju ŭznaharodu.

U jaho ŭvajšli 12 knih:

1. Andrej Adamovič. Pieśnia pra Cimura. Januškievič, Minsk, 2019.
2. Volha Hapiejeva. Kemeł-Treveł. Halijafy, Minsk, 2019.
3. Adam Hłobus. Rysy. Łohvinaŭ, Vilnia, 2019.
4. Siarhiej Dubaviec. Tantamareski. Radyjo Svabodnaja Eŭropa/Radyjo Svaboda, Miensk, 2019.
5. Siarhiej Kalenda. Bałtyjskija škarpetki. Łohvinaŭ, Vilnia, 2019.
6. Valer Kalinoŭski. Dzieci Francyi. Historyi siemjaŭ, jakija pavieryli Stalinu. Knihazbor, Minsk, 2019.
7. Zarasłava Kaminskaja. Kaladny stoł. Halijafy, Minsk, 2019.
8. David-Aleh Lisoŭski. Kniha. Bark, Homiel, 2019.
9. Viera Łojka. Apošni pieršy śnieh. Knihazbor, Minsk, 2019.
10. Vinceś Mudroŭ. Vosień u Vilni. Knihazbor, Minsk, 2019.
11. Ludmiła Rubleŭskaja. Avantury Vyrviča z bandy Čornaha Doktara. Źviazda, Minsk, 2019.
12. Hanna Sieviaryniec. Haścinica «Bielhija». Rehistr, Minsk, 2019.

U žury Premii Hiedrojca sioleta ŭvajšli: Ała Bradzichina, litaraturaznaŭca, vykładčyca; Nasta Hryščuk, litaraturny krytyk; Maksim Žbankoŭ, kulturołah, krytyk, eseist; Viera Žybul, litaraturaznaŭca, paetka, pierakładčyca; Andrej Chadanovič, paet, pierakładčyk, vykładčyk litaratury; Cichan Čarniakievič, litaraturaznaŭca, krytyk.

Premija imia Ježy Hiedrojca ŭručajecca z 2012 hoda za najlepšuju knihu ŭ žanry mastackaj i dakumientalnaj prozy i maje status hałoŭnaj niezaležnaj litaraturnaj uznaharody Biełarusi. Papiarednija pieramožcy Premii: Pavał Kaściukievič, «Zbornaja RB pa niehałoŭnych vidach sportu» (2012), Uładzimir Niaklajeŭ, «Aŭtamat z haziroŭkaj ź siropam i biez» (2013), Ihar Babkoŭ, «Chvilinka: Try historyi» (2014), Viktar Kaźko, «Čas źbirać kości» (2015), Maks Ščur, «Zaviaršyć hieštalt» (2016), Źmicier Bartosik, «Byŭ u pana vierabiejka havaruščy» (2017), Uładzimir Arłoŭ, «Tancy nad horadam» (2018), Illa Sin «Libido» (2019).

Uračystaja cyrymonija ŭznaharodžańnia adbudziecca ŭvosień.

0

0

0

0

0

0