Uviečary 26 žniŭnia minčuki znoŭ sabralisia na płoščy Niezaležnaści na mirnuju akcyju pratestu. Adnak kali ściamnieła, pačalisia masavyja zatrymańni. AMAP chapaŭ mužčyn u aŭtazaki, žančyn adpuskali.
Siłaviki ŭ čornym zabłakavali ŭsie dźviery Čyrvonaha kaścioła, nikoha tudy nie ŭpuskali i stul nie vypuskali. Fota Darji Burakinaj, Tut.by.
Čyrvony kaścioł byŭ uziaty ŭ abłohu. Kala 40 chvilin adtul nie vypuskali niekalki dziasiatkaŭ ludziej, jakija tam schavalisia, bo siłaviki zabłakavali dźviery.
Toje, što razhon rychtavaŭsia, možna zrazumieć pa tym, što tranślacyju padziej na płoščy Niezaležnaści vioŭ kanał «Raša tudej» u Youtube. Niekalki dziasiatkaŭ čałaviek zastajucca zabłakavanyja ŭ Čyrvonym kaściole.
Paśla adjezdu AMAP tolki niekalki siłavikoŭ patrulavali płošču Niezaležnaści. Na płošču adrazu ž padciahnulisia ludzi z płakatami.
Śpis zatrymanych na płoščy Niezaležnaści:
Anton Ułasienka;
Anton Šybanaŭ;
Alaksandr Bajbak;
Alaksiej Supraniuk;
Anton Šaŭlikaŭ;
Andrej Jemialjanaŭ;
Pavieł Kavalenka;
Pavieł Dzienisovič;
Arciom Łysakoŭski;
Artiom Śviatasłavavič;
Dzianis Sačyšyn;
Hleb Reut;
Ihnat Kirejeŭ.
