Redakcyja haziety «Narodnaja Vola», papiarednija numary jakoj niečakana admovilisia drukavać u Biełaruskim domie druku, padrychtavała čarhovy. Jaho nadrukavali ŭ Maskvie i pryvieźli ŭ Biełaruś.
Numar učora addali ŭ «Biełdruk» i na «Biełpoštu». Siońnia ranicaj hazieta musiła źjavicca ŭ šapikach i ŭ padpisčykaŭ. Ale hetaha nie adbyłosia.
Dzie dzielisia 22 tysiačy asobnikaŭ «Narodnaj voli» i ci ŭbačać ich ludzi — ni «Biełpošta», ni «Biełdruk» nie adkazvajuć.
Jašče adzin numar «Narodnaj voli», addrukavany ŭ Maskvie, redakcyja ŭžo nie budzie zdavać u taki «raspaŭsiud». Hałoŭny redaktar Iosif Siaredzič zaprašaje ŭsich achvotnych vałancioraŭ prychodzić u redakcyju (Minsk, vuł.Enhielsa, 34a) i brać asobniki haziety dla biaspłatnaj razdačy.
0
0
0
0
0
0
