Siońnia, 24 žniŭnia, hamielčuki padali zajavu ŭ Śledčy kamitet ab zaviadzieńni kryminalnaj spravy pa faktach milicejskaha hvałtu. Pad zvarotam padpisalisia bolš za 800 nieabyjakavych žycharoŭ Homiela, paviedamlajuć Mocnyja naviny.
Niahledziačy na daždžlivaje nadvorje, pierad hałoŭnym uvachodam u Śledčy kamitet pa vuł. Rabočaj, 19, sabrałasia kala 15 hamielčukoŭ. Častka ź ich — členy kaardynacyjnaj rady Homiela, niekatoryja prosta pryjšli padtrymać inicyjatyvu. Ludzi stajać z płakatami z fota Alaksandra Vichora, jaki zahinuŭ u chodzie akcyj pratestu paśla vybaraŭ.
Hamielčuki prosiać raspačać kryminalnuju spravu pa artykule 128 Kryminalnaha kodeksa ŭ dačynieńni da kiraŭnictva UUS Homielskaha abłvykankama, načalnikaŭ AUS administracyj rajonaŭ, adkaznych za niezakonnyja dziejańni svaich padnačalenych, a taksama ŭ dačynieńni da asob, jakija niepasredna ŭdzielničajuć u katavańniach suprać zatrymanych.
