Puł pieršaj
24 žniŭnia Śviatłana Cichanoŭskaja sustrełasia z namieśnikam dziaržsakratara ZŠA Styvienam Biehunam, paviedamlaje telehram-kanał Puł pieršaj.
Cichanoŭskaja i Biehun abmierkavali palityčny kryzis u Biełarusi, i jana vykazała padziaku Złučanym Štatam za ich padtrymku mirnych demanstrantaŭ u Biełarusi.
«Vybary 9 žniŭnia nie byli ni svabodnymi, ni spraviadlivymi. Łukašenka nie karystajecca padtrymkaj biełaruskaha naroda abo mižnarodnaj supolnaści. Kožny dzień jon admaŭlajecca pryniać volu svajho naroda, tolki padaŭžajučy kryzis i paharšajučy jaho», — skazała Śviatłana Cichanoŭskaja.
Śviatłana Cichanoŭskaja taksama vykazała hatoŭnaść da vyrašeńnia kryzisu šlacham dyjałohu.
«My zaŭsiody kazali, što hatovyja havaryć i imkniomsia da mirnaha ŭrehulavańnia. My adkrytyja dla pasiarednictva mižnarodnych arhanizacyj u metach sadziejničańnia dyjałohu. My taksama patrabujem abjektyŭnaha rasśledavańnia złačynstvaŭ, ździejśnienych biełaruskimi ŭładami suprać svajho naroda», — skazała Cichanoŭskaja. «U toj ža čas my zaklikajem usie krainy pavažać suvierenitet i terytaryjalnuju cełasnaść Biełarusi».
