Čatyroch supracoŭnikaŭ Biełdziaržfiłarmonii vyklikali ŭ RUUS. Jany byli na akcyi la ŭłasnaha budynka 4

Jaŭhien Jerčak, Tut.by

Čatyry supracoŭniki Biełdziaržfiłarmonii atrymali pozvy ŭ Saviecki RUUS horada Minska. Pra heta TUT.BY paviedamili ich kalehi.

Pa słovach supracoŭnikaŭ, pieršapačatkova ŭ pozvach naohuł nie było paznačana, pa jakim pytańni ich vyklikajuć u RUUS i ŭ jakim statusie. Paśla hetaha supracoŭniki pravaachoŭnych orhanaŭ napisali ad ruki, što vyklikajuć u jakaści śviedak. Taksama jany dadali, što 20 žniŭnia hetyja ludzi byli zaŭvažanyja la ścien Biełdziaržfiłarmonii.

Čaćviora supracoŭnikaŭ abaviazany źjavicca siońnia, 24 žniŭnia ŭ Saviecki RUUS horada Minska.

13 žniŭnia kala 85 artystaŭ i supracoŭnikaŭ Biełdziaržfiłarmonii praviali akcyju la ścien svajho budynka. U akcyi ŭdzielničali artysty i supracoŭniki kamiernaha choru i kamiernaha arkiestra Respubliki Biełaruś, kapeły imia Šyrmy, ansambla «Charoški».

Jany trymali ŭ rukach płakaty «Stop-hvałt», «U mianie skrali hołas», «My, biełarusy, mirnyja ludzi» i inšyja, vykonvali pieśni.

0

0

0

0

0

0

Dzianis Marcinovič, Tut.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH