Učora ŭ hulni z salihorskim «Šachcioram» hulec «Isłačy» Mikałaj Januš aformiŭ dubl, jaho kamanda pieramahła ź likam 4:2. Svoj hoł futbalist adśviatkavaŭ na poli znajomym mnohim žestam: adna ruka ŭskinutaja ŭvierch sa znakam viktoryja, druhaja — ścisnuty kułak.
Heta simvaličnyja žesty abjadnanaj kamandy Śviatłany Cichanoŭskaj na prezidenckich vybarach.
Napadnik minskaha «Dynama» Jaŭhien Šykaŭka na hetki ž manier adznačyŭ svoj hoł, zabity ŭčora ŭ bramu «Słucka».
Da fłešmobu dałučyŭsia Aleh Nikifarenka, paŭabaronca bresckaha «Ruchu», u hulni z «Haradziejaj». Paśla vynikovaj ataki jon uźniaŭ ruki z užo paznavalnymi simvałami, hety momant złaviła kamiera.
Nahadajem, što ABFF pravodzić hety tur biez hledačoŭ, tamu takija ŭčynki hulcoŭ mohuć naležnym čynam acanić tolki hledačy teletranślacyj.
