Hukarežysiora Ułada Sakałoŭskaha, jaki niadaŭna vyjšaŭ ź CIP na Akreścina, mahčyma, znoŭ zatrymali. Jon paśpieŭ paviedamić svajakam, što jaho viazuć na vulicu Haradski Vał, dzie znachodzicca centralny aparat MUS. Hetuju infarmacyju Tut.by paćvierdziŭ advakat Michaił Badnarčuk.
Uład Sakałoŭski i Kirył Hałanaŭ u Kijeŭskim skviery. Fota Nadziei Bužan.
Pra svajo zatrymańnie Uład Sakałoŭski paviedamiŭ svajakam kala hadziny tamu. Na hety momant nieviadoma, chto i čamu jaho zatrymaŭ. Pavodle infarmacyi advakata, Uład znachodzicca ŭ centralnym aparacie MUS, adnak da klijenta jaho nie puskajuć.
— Tolki skazali, što chutka pavinny adpuścić.
Infarmacyju ab zatrymańni Ułada taksama paćvierdziŭ jaho kaleha Kirył Hałanaŭ, jaki taksama atrymaŭ dziesiać sutak administracyjnaha aryštu za pieśniu «Pieramien», jakaja prahučała ŭ Kijeŭskim skviery na Dni adčynienych dźviarej.
