Na sajcie MZS źmieščana čarhovaja zajava Uładzimira Makieja. Hetym razam jon źviartajecca da ministraŭ zamiežnych spraŭ ES.
Kalehi, ministry zamiežnych spraŭ krain ES, źviartajusia da vas u suviazi z vašymi šmatlikimi zajavami ŭ dačynieńni da majoj krainy. Vy vydatna viedajecie mianie, viedajecie Biełaruś i biełarusaŭ.
Zaraz nie 18 stahodździe, nie 2010 i navat nie 2015 hod. Respublika Biełaruś — užo realnaść. Realnaść dla Jeŭropy, realnaść dla Jeŭrasajuza, realnaść dla kožnaj z vašych krain. Tamu zaklikaju žyć, kantaktavać i ŭzajemadziejničać z hetaj realnaściu.
U nas daloka nie zaŭsiody i nie va ŭsim supadajuć padychody. Ale pry pieršych surjoznych vyprabavańniach dla stanaŭleńnia našaj krainy vy znoŭ adrazu zaklikajecie da sankcyj. Hetym pa sutnaści vy paćviardžajecie pravatu tych, chto nie vieryć u našu suvierennuju zdolnaść vybudavać raŭnapraŭnyja i vyhadnyja ŭsim bakam adnosiny z vašymi dziaržavami.
Heta nie pieršyja sankcyi ŭ našaj historyi. I naša historyja na hetym nie skončycca. My ich projdziem hetak ža, jak i papiarednija. Vynik ich dziejańnia vam viadomy. Usie razam my dakładna stracim čas.
Stracim rytm, jaki patrebny našym krainam i hramadstvam, tym bolš u sučasnym chutkim śviecie. U nas ciapier składanaja situacyja. Ale ž jaki z vašych krainaŭ nie prachodziła balučyja etapy nacyjanalnaha staleńnia?
Dajcie i nam jaho prajści. Lepš z vašaj dapamohaj, ale biez sprob prymusu z vykarystańniem palityčnych, finansavych i inšych vidavočnych ryčahoŭ.
Prašu daravać, ale my nie zmožam heta razhladać inakš, jak niadobrazyčlivyja dziejańni, jakija nanosiać škodu suvierenitetu Respubliki Biełaruś, i nie zmožam heta pakidać biez procidziejańnia.
Ale ja ŭsio jašče vieru ŭ mahčymaści i pierśpiektyvy narmalnych, dobrasusiedskich, cyvilizavanych miždziaržaŭnych adnosin pamiž našymi krainami.
Tamu što heta ŭ intaresach usich: i Biełarusi, i Jeŭropy, i ŭsioj Jeŭrazii. Prašu zadumacca pra heta biez emocyj.