«Łukašenka — nie moj prezident!!!!!» — napisaŭ u fejsbuku były deputat, kiraŭnik Biełaruskaj fiederacyi lohkaj atletyki Vadzim Dzieviatoŭski.
U kamientary Tribuna.com Dzieviatoŭski patłumačyŭ, što adbyłosia.
«Maja raniejšaja pazicyja — pamyłka. Heta była zdrada sabie. Heta važna. Na majoj staroncy — heta maja zajava. Nie dumajcie, što mianie ŭzłamali.
Usio vidavočna. Ja napisaŭ heta — i mnie stała vielmi lohka. Čamu vyrašyŭ heta napisać? Bo heta praŭda. Ja sapraŭdy tak dumaju. Paviercie, mnie kazać ciapier heta vielmi lohka, mnie stała značna lahčej», — skazaŭ Dzieviatoŭski.
Vadzim Dzieviatoŭski: Napisać, što «Łukašenka — nie moj prezident» paprasiŭ moj brat Aleža
Kiraŭnik Fiederacyi lohkaj atletyki Vadzim Dzieviatoŭski ŭ kamientary dla «NN» rastłumačyŭ, čamu źmiaściŭ u fejsbuku dopis nastupnaha źmiestu: «Łukašenka — nie moj prezident».
«Toje, što ja ŭbačyŭ — heta prosta niejmavierna. Heta nie moža źmiaščacca ŭ hałavie, ja vielmi pakutavaŭ… Vielmi ciažka farmavać dumki, — kaža Dzieviatoŭski. — Napisać heta paprasiŭ moj brat Aleža».
Aleh Dzieviatoŭski — heta viadomy ŭ minułym spartsmien, člen nacyjanalnaj zbornaj Biełarusi pa vodnych łyžych. Vadzim Dzieviatoŭski — pryzior Alimpijady ŭ kidańni mołata, jon byŭ deputatam Pałaty pradstaŭnikoŭ, a ciapier uznačalvaje fiedercyju lohkaj atletyki.
«Ja nie zmoh daravać usio toje, što ja ŭbačyŭ… Kali ja raniej padtrymlivaŭ prezidenta, to, paviercie, heta było ščyra… Ničoha ja nie rabiŭ z taho, što nie było ščyra. Ja nie bajusia zusim ničoha», — skazaŭ Dzieviatoŭski. Paśla hetaha słuchaŭku zabrała niejkaja žančyna, jakaja skazała, što Vadzim Anatoljevič pakul nie moža havaryć.
