Fota Nadziei Bužan
Siońnia rabotniki roznych pradpryjemstvaŭ, nastaŭniki, prahramisty, muzykanty, studenty vychodziać na akcyi salidarnaści.
U Minsku pratestujuć rabotniki MAZa, MAPIDa, rabotniki mietro, nastaŭniki, muzykanty, daktary. Jany źbirajucca na svaich pradpryjemstvach, u centry horada, u rajonach.
Pratestujuć u Hrodnie, Breście. Žłobinie, Navapołacku, Lidzie inšych haradach.
Ludzi patrabujuć: «Sychodź»
Tak rabotniki mietro vyjšli na płošču Niezaležnaści. Bolš za 150 supracoŭnikaŭ u śpiecoŭkach ahułam vyjšli na płošču, u dvuch ź ich — bieł-čyrvona-biełyja ściahi.
Da ich vyjšaŭ načalnik adździeła enierhazabieśpiačeńnia. Jon u prysutnaści karespandenta @nashaniva skazaŭ, što chłopcy majuć prava na pratest, ale paprasiŭ nie spyniać pracy.
Akramia taho, na Płoščy jašče niekalki socień demanstrantaŭ z roznych bakoŭ
Traktarny zavod
Tym časam vyznačany čas i miesca pachavańnia zahinułaha demanstranta Alaksandra Tarajkoŭskaha.
Raźvitańnie z Alaksandram Tarajkoŭskim, jaki zahinuŭ 10 žniŭnia padčas mirnych pratestaŭ na Puškinskaj, projdzie a 12:00 u subotu, 15 žniŭnia, na Alšeŭskaha, 12 (rytualnaja zała). Siamja zabitaha prosić usich žycharoŭ Minska pryjści, kab addać doŭh pamiaci čałavieku, jaki addaŭ žyćcio za svabodu i hodnaść Biełarusi. Pachavańnie adbudziecca na Zachodnich mohiłkach za Aziarcom.
