Pavieł Biełavus u svaim fejsbuku raspavioŭ, dzie byŭ hetyja dni. Nahadajem, što jon byŭ zatrymany ŭdzień 9 žniŭnia ŭ Vałožynskim rajonie.
«Siabry, sa mnoj usio dobra. 9 žniŭnia mianie pa darozie na ŭčastak dla hałasavańnia spyniła Vałožynskaje DAI, skazali što padazrajuć, što ja pjany za rulom.
Zavieźli ŭ balnicu na pravierku, pakazała pa nulach. Tady skazali, što ŭsio adno treba prajechać u Vałožynski RAUS, kab pakazać videa, što ŭ mianie było parušeńnie darožnaj raźmietki, jakoje daišniki zafiksavali, kali jechali za mnoj pierad tym jak spynić.
Tam užo za mianie ŭziałasia miascovaja milicyja i skłała pratakoł za chulihanstva ŭ adździele milicyi (emacyjna vykazvaŭsia) i skazali, što mianie zatrymlivajuć.
Dvoje sutak ja pravioŭ u padvale Vałožynskaha RAUS (tam miascovy IČS).
Pačalisia mocnyja boli ŭ žyvacie, vyklikali chutkuju i zavieźli ŭ Vałožynskuju balnicu. Było padazreńnie na apiendycyt, ale akazałasia kišačnaja pałačka. Voś ciapier lažu, lačusia».
