Draŭlanuju skulpturu ci to troch amazonak, ci to «kientaŭryc» stvaryŭ dyzajner Źmicier Surski pry ŭdziele mastaka Vasila Vieryna, piša «Radyjo Svaboda».
Praca zroblenaja ŭ vioscy Sałaćcie pad Horadniaj, dzie mastaki źbirajucca na štohadovyja plenery.
Źmicier Surski skazaŭ «Svabodzie», što nad nazvaj tvoru pakul jašče dumaje:
«Materyjał padkazaŭ mnie ideju. Heta draŭlanyja špuli ad elektryčnaha kabelu. Try kabiety-palityki Śviatłana Cichanoŭskaja, Vieranika Capkała i Maryja Kaleśnikava nahadvajuć mnie troch amazonak, žančyn-vajarak. Paŭstali jany niečakana dla ŭsich, dla ŭłady najpierš. Tamu hetaje tryjo — trajanski koń dla ŭładaŭ. Koń i čałaviek — kientaŭr. Tut — kientaŭrycy. Pakul ich tak nazyvaju».
Źmicier Surski pakul planuje rabotu dapracavać i pakinuć u Sałaćci. Nakont jaje budučaha raźmiaščeńnia nie zahadvaje.
