Alaksandr Łukašenka ŭ intervju ŭkrainskamu žurnalistu Dźmitryju Hardonu zajaviŭ, što Barys Jelcyn paškadavaŭ ab vybary Uładzimira Pucina svaim pierajemnikam.
Na jaho dumku, pryčyna raskoliny ŭ adnosinach prezidentaŭ Rasii, — uładalubstva Jelcyna. «Jelcyn raźličvaŭ, što Pucin budzie biehać da jaho i ŭvieś čas raicca pa tym ci inšym pytańni. Ale heta niemahčyma i nieprymalna, i heta nie dla Pucina», — skazaŭ Łukašenka.
Jak uspomniŭ Łukašenka, pieršy vypadak, kali Jelcyn «pačaŭ šaleć», byŭ źviazany z tym, što Pucin admoviŭsia ad utrymańnia rasijskich vajennych baz na Kubie i ŭ Vjetnamie. Taksama Łukašenka pryhadaŭ, jak supakojvaŭ ŭ toj momant pieršaha prezidenta Rasii. «Ja kažu: «Barys Mikałajevič, pojdziem lepš vina pa čarcy vypjem»», — skazaŭ na zakančeńnie jon.
