Takoj kolkaści apłačanaj palityčnaj rekłamy ŭ sacyjalnych sietkach Biełaruś jašče nie bačyła.
Z adnaho boku, šmat rekłamy raźmiaściła «Jeŭrapiejskaja Biełaruś» palitemihranta Andreja Sańnikava i inicyjatyva «Sumlennyja ludzi». Pieršaja mabilizuje ludziej na akcyi pratestu, a druhaja — u naziralniki.
Šmat rekłamy apłacili taksama Andrej Dźmitryjeŭ i Siarhiej Čeračań — prasoŭvajuć siabie.
Ahromnistuju kolkaść rekłamy apłaciŭ taksama chtości, chto pracuje suprać Śviatłany Cichanoŭskaj. Cikava, što hety apošni ažyćciaŭlaje vyklučna niehatyŭnuju kampaniju. Praktyčna ŭsia jaho rekłama skiravanaja na toje, kab ubić klin miž kandydaturaj Śviatłany Cichanoŭskaj i nacyjanalna-demakratyčnym elektaratam.
Naprykład, u fejsbuku ščyruje staronka Belarus news post, stvoranaja jakraz 5 žniŭnia. Pryčym jana kłon staronki News, stvoranaj 4 žniŭnia, u ich absalutna adnolkavaje napaŭnieńnie.
Voś rekłamujecca dopis sa staronki niejkaj Natalli Šaŭčenki, na staroncy jakoj dopisaŭ niama z 2017 hoda, a tyja, što jość, vyhladajuć jak rekłama seks-pasłuh.
Voś jašče prykłady rekłamy:
