«Naša Niva» i Bukmiekierskaja kantora Leon taksama nie źbirajucca adpačyvać i, jak i raniej, praciahvajuć sačyć za ajčynnym futbołam.
U vyšejšaj lizie adbyłasia čarhovaja trenierskaja adstaŭka, piataja za siezon. Paraza ad «Ruchu» kaštavała pasady koŭču «Minska» Andreju Razinu. Ciapier «haradžanaŭ» budzie znoŭ treniravać Vadzim Skrypčanka, ź jakim kłub vyjhravaŭ Kubak Biełarusi ŭ 2013 hodzie.
U inšym minskim kłubie, «Dynama», taksama pieramieny. Tam praz kiepskuju hulniu zvolnieny spartyŭny dyrektar Juryj Pokład.
Adbyłosia heta paśla parazy «bieła-sinich» u Hrodnie, dzie «Nioman» praciahnuŭ svaju supiersieryju biez paraz da 11 matčaŭ (9 pieramoh, 2 ničyje). Pa stračanych bałach haradziency pieršyja razam z «Šachcioram».
Fota: FK «Nioman».
Pa nabranych ža «Nioman» pakul idzie roŭna z BATE, jakoje ŭpieršyniu prajhrała ŭ Žodzinie. Pryčym barysaŭcy spakojna viali ź likam 2:0, ale dali hulcam «Tarpieda-BiełAZ» zrabić kambek i vyrvać pieramohu.
Ź inšych matčaŭ adznačym bujnuju pieramohu «Biełšyny» ŭ razborcy aŭtsajdaraŭ, a taksama 6 zabitych miačoŭ u hulni «Słavii» z «Isłačču».
Voś usie vyniki:
- «Słuck» — «Šachcior» 0:2 (25 (p), A. Archipaŭ; 62, Ancič)
- «Dynama-Brest» — «Viciebsk» 1:0 (17, Hardziajčuk)
- «Smalavičy» — «Biełšyna» 0:3 (2, Lavicki; 47, Koviel; 65, Lebiedzieŭ)
- «Słavija» — «Isłač» 2:4 (45, Tetech; 51, Malkievič — 17, 39, Makaś; 53, 73, Januš)
- «Nioman» — «Dynama-Minsk» 1:0 (50, Stojkavič)
- «Tarpieda-BiełAZ» — BATE 3:2 (45, Chačaturan; 59, Habryeł Ramas; 61, Ancileŭski — 8, Skavyš; 36, Stasievič)
- «Minsk» — «Ruch» 0:1 (19, Hračycha)
- «Haradzieja» — «Enierhietyk-BDU» 1:1 (63, Siankievič — 67, Soŭpiel)
TURNIRNAJA TABLICA
A ciapier pierachodzim da matčaŭ, jakija adbuducca z 6 pa 8 žniŭnia.
«Biełšyna» — «Słuck»
- 06.08, 18:00. Babrujsk, stadyjon «Spartak».
- Kaeficyjenty: «Biełšyna» (pieramoha) — 2.27; ničyja — 3.70; «Słuck» (pieramoha) — 3.25.
U hości da apošniaj kamandy tablicy jedzie «Słuck», jaki ŭ apošnich 12 turach nabraŭ usiaho 5 bałaŭ z 36 mahčymych. Taksama trenieru słuččakoŭ pryjšłosia vypuścić dvuch reziervistaŭ u startavym składzie ŭ hulni suprać «Šachciora» — naŭrad ci heta było pradyktavana taktyčnymi zadumami Alaksandra Končyca.
«Biełšyna» razhramiła «Smalavičy» i krychu nabliziłasia da miažy, pa jakoj prachodzić zona vyletu. U babrujčan jość jašče 10 turaŭ, kab vyratavacca, i takija matčy z prablemnymi supiernikami prosta na vahu zołata.
Prahnoz «NN»: pieramoha «Biełšyny».
«Šachcior» — «Dynama-Brest»
- 06.08, 20:00. Salihorsk, stadyjon «Budaŭnik».
- Kaeficyjenty: «Šachcior» (pieramoha) — 1.54; ničyja — 4.55; «Dynama» (pieramoha) — 6.60.
Letaś hetyja kamandy sustrakalisia ŭžo trojčy. Zhadajcie dramatyčny kubkavy paŭfinał, dzie ŭ druhim matčy «Šachcior» zładziŭ fiejeryčny kambek, zabiŭšy čatyry miačy i prajhraŭšy tolki z-za praviła haściavych hałoŭ.
Brest u druhoj paśla paŭzy hulni abyšoŭ mocny «Viciebsk» i hatovy znoŭ pasprabavać pazmahacca za najvyšejšyja pazicyi, pakul nie stała zapozna.
Prahnoz «NN»: totał, mienšy za 2.5.
«Viciebsk» — «Isłač»
- 07.08, 18:00. CSK FK «Viciebsk».
- Kaeficyjenty: «Viciebsk» (pieramoha) — 2.51; ničyja — 3.49; «Isłač» (pieramoha) — 2.99.
«Isłač» vyjhrała dźvie apošnija hulni i krychu padpraviła svajo stanovišča, dahnaŭšy ŭ tablicy jakraz «Viciebsk», jaki prajhraŭ u Breście. Naminalna ŭ tablicy vyšej stajać «vaŭki», jakija ŭviesnu vyjhrali chatniuju hulniu.
Čarhovaja maładość pačałasia ŭ Mikałaja Januša — 35-hadovy forvard zabiŭ čatyry miačy ŭ dvuch matčach. Dahetul u jaho na rachunku byŭ usiaho adzin hoł u čempijanacie.
Mikałaj Januš śviatkuje zabity miač. Fota: FK «Isłač».
Ci praciahniecca halavaja sieryja ŭ haleadora-vieterana?
Prahnoz «NN»: ničyja.
«Dynama-Minsk» — «Smalavičy»
- UPD. Matč pieraniesieny.
- Kaeficyjenty: «Dynama» (pieramoha) — 1.22; ničyja — 7.60; «Smalavičy» (pieramoha) — 14.50.
Minskaje «Dynama» — heta taki sabie 2020 hod ad futboła: šmat nadziej, šmat pakut i nieviadoma, što budzie ŭ kancy.
Fota: FK «Dynama-Minsk».
«Smalavičy» prajhrali try apošnija matčy z ahulnym likam 0:8, tamu asablivych nadziej niama. I stać paŭtareńniem letašniaha «Enierhietyka» taksama, zdajecca, nie atrymajecca.
Prahnoz «NN»: pieramoha «Dynama».
«Minsk» — «Słavija»
- UPD. Matč pieraniesieny.
- Kaeficyjenty: «Minsk» (pieramoha) — 2.53; ničyja — 3.48; «Słavija» (pieramoha) — 2.96.
Vadzim Skrypčanka svoj druhi etap karjery ŭ «Minsku» pačynaje z matča suprać «Słavii».
Mazyrčuki, zdavałasia, papili kryvi i BATE, i bresckamu «Dynama», ale siezon naŭrad ci možna nazvać nie toje kab paśpiachovym, navat zdavalniajučym. Vylet naŭrad ci pahražaje kamandzie, ale patencyjny projhryš «Minsku» nablizić radok stykavych matčaŭ.
A voś pieramoha padymie bližej da pieršaj dziasiatki.
Prahnoz «NN»: pieramoha «Słavii».
«Enierhietyk-BDU» — «Nioman»
- 08.08, 16:00. Maładziečna, centralny stadyjon.
- Kaeficyjenty: «Enierhietyk» (pieramoha) — 3.20; ničyja — 3.40; «Nioman» (pieramoha) — 2.42.
Paśla troch haniebnych paraz «studenty» narešcie zmahli nabrać chacia b adzin bał i zhulali ŭničyju z «Haradziejaj». Ale vielmi imavierna, što na hetym sieryja i skončycca, bo ŭ Maładziečna jedzie «Nioman».
Hałoŭnaje i adzinaje, što treba zrabić Iharu Kavaleviču pierad hulnioj u Maładziečnie, — heta adahnać dumki, jakija padbivajuć niedaacanić supiernika praź jaho apošnija vyniki. Niahledziačy na prablemy, minčuki dahetul na vysokim šostym miescy.
Prahnoz «NN»: totał, mienšy za 2.5.
«Ruch» — «Tarpieda-BiełAZ»
- 08.08, 18:00. DASK «Brescki».
- Kaeficyjenty: «Ruch» (pieramoha) — 2.42; ničyja — 3.45; «Tarpieda» (pieramoha) — 3.16.
Paśla pieramohi nad BATE Juryj Puntus pryznaŭsia, što jon samy ščaślivy čałaviek. Možam zrazumieć pačućci Juryja Iosifaviča, tym bolš jahonaja kamanda nabrała dobry chod.
Fota: FK «Tarpieda-BiełAZ».
«Ruch» pakul dziasiaty z 29 bałami, a ŭ minskaha «Dynama» na piatym radku — usiaho na 1 punkt bolš. Tamu kožny turnirny bał i kožny matč z takoj ščylnaściu ŭ tablicy stanoviacca asabliva važnymi.
Prahnoz «NN»: ničyja.
BATE — «Haradzieja»
- 08.08, 20:00. Barysaŭ, haradski stadyjon.
- Kaeficyjenty: BATE (pieramoha) — 1.19; ničyja — 8.10; «Haradzieja» (pieramoha) — 17.25.
BATE prymaje «Haradzieju» na haradskim stadyjonie, bo «Barysaŭ-arenu» zaniali dla praviadzieńnia pieradvybarčaha kancerta. Mahčyma, viartańnie na ołdskulny stadyjon, užo aprabavany ŭ hetym siezonie «Smalavičami», viernie ŭdaču barysaŭcam.
BATE mieła prablemy z «Haradziejaj» u haściach, ale doma nikoli «cukrovym» nie prajhravała. Ale paśla pieršaj za ŭsie hady parazy ŭ Žodzinie nielha być upeŭnienym ni ŭ čym.
Prahnoz «NN»: pieramoha BATE.
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!
