Na trasie siłaviki spynili aŭtobus ź Cichanoŭskaj i štabam. Pra heta paviedamiła ŭ svaim strymie Volha Kavalkova. Supracoŭniki praviarali dakumienty.
20 chvilin trymali mašynu Cichanoŭskaj na darozie. Urešcie jana pierasieła ŭ inšuju mašynu i spaźniłasia na mitynh na 20 chvilin.
Pikiet na placoŭcy kala ŭniviermaha «Viesta» ŭ Barysavie (vuł. Haharyna 105A) pačaŭsia bieź Śviatłany Cichanoŭskaj.
Ludzi ŭžo čakajuć Cichanoŭskuju ŭ Barysavie. Karespandent NN naličyŭ užo bolš za 3000 čałaviek.
Placoŭka, vydzielenaja pad sustreču z kandydatam, całkam poŭnaja. Heta samy masavy mitynh u Barysavie za apošnija hady.
Na placoŭcy ihrajuć biełaruskamoŭnyja pieśni, arhanizatary razdajuć biełyja stužki.
Siłaviki zatrymali taksama mašynu z supracoŭnikami telekanała «Biełsat». Jeduć u RAUS praviarać numar kuzava.
Na padychodzie da ahitacyjnaha pikieta Śviatłany Cichanoŭskaj, jaki zapłanavany na 19:00, byli zatrymany aktyvisty i aktyvistki «Narodnaj Hramady» i «Jeŭrapiejskaj Biełarusi» Alena Fiłatava, Andrej Kirejeŭ, Volha Nikałajčyk, Andrej Vojnič. Mahčyma, zatrymanych bolš. Jak paviedamlaje aktyvist Valancin Trocki, taksama niama suviazi z Valancinam Frałovym i inšymi. Proźviščy zatrymanych i padstavy zatrymańnia vyśviatlajucca, pišuć pravaabaroncy.
U 19:22 Cichanoŭskaja źjaviłasia na scenie razam z pradstaŭnikami svajho štabu. «Śvieta! Śvieta!» — skandavali ludzi.
Z mašyny da placoŭki jana prajšła ŭ atačeńni čatyroch mužčyn u majkach «Kraina dla žyćcia». Ludzi sustreli jaje burnymi vopleskami i skandavańniem «Śvieta! Śvieta!». Jaje pramova supravadžałasia šmatlikimi apładysmientami.
Cichanoŭskaja kaža, što jana nie palityk, joj nie patrebna ŭłada, jana choča taho, kab u Biełarusi prajšli sumlennyja i spraviadlivyja vybary, kab naša Biełaruś źmianiłasia stała lepšaj.
«Ja zaklikaju hałasavać tolki 9 žniŭnia, a potym adstojvać svoj hołas. Kali my nie pryjdziem hałasavać, to heta budzie pieramoha ŭłady», — kaža Cichanoŭskaja.
U svajoj pramovie Cichanoŭskaja raskrytykavała palityčnuju i sacyjalnuju situacyju ŭ krainie.
«Śvieta, Śvieta», — nie zmaŭkajuć ludzi.
Cichanoŭskaja abiacaje, što budzie prezidentam nie bolš za paŭhoda. Jaje hałoŭnaja meta — zabiaśpiečyć novyja sumlennyja vybary.
Paśla Cichanoŭskaj na scenu vyjšła pradstaŭnica štaba Maryja Kaleśnikava.
«Siłkom nie budzieš luby. Siłkom nie budzieš prezidentam», — źviartajecca da ŭładaŭ Kaleśnikava.
Kaleśnikava paŭtaryła svaje słovy pra toje, što štab dziejničaje vyklučna zakonnymi mietadami, a ŭłada adkazvaje hvałtam. Taksama jana paŭtaryła słovy pra toje, što aŭtazak — heta ŭsiaho tolki mašyna.
«Maša, Maša», — kryčaŭ natoŭp.
Cikava, što milicyja na šmattysiačnym mitynhu naohuł niezaŭvažnaja.
