Kampanija maładych chłopcaŭ u dvary doma raśpivała śpirtnoje, i pamiž dvuma znajomymi paŭstaŭ kanflikt, piša Intex-press.
Zhodna z papiarednimi źviestkami, adzin z chłopcaŭ, 1999 hoda naradžeńnia, udaryŭ kułakom inšaha, toj ad udaru nie ŭtrymaŭsia na nahach, upaŭ i ŭdaryŭsia hałavoj ab asfalt. Ad atrymanych traŭmaŭ hałavy małady čałaviek — žychar Baranavič, 1991 hoda naradžeńnia — pamior na miescy.
Miarkujučy pa ŭsim, kampanija raźbiehłasia, tamu što ŭ chutkuju patelefanavaŭ vypadkovy minak. Mužčyna ŭbačyŭ chłopca, što lažaŭ na ziamli, vyrašyŭ, što jamu stała drenna, i nabraŭ 103. Miedyki vyklikali milicyju.
Zaviali kryminalnuju spravu pa č. 1 art. 144 KK RB («Pryčynieńnie śmierci pa nieaściarožnaści»). Padazravany zatrymany. Viadoma, što jon raniej byŭ sudzimy za chulihanstva, rabavańnie i kradziež.