Fota Nadziei Bužan
Staršynia CVK Biełarusi Lidzija Jarmošyna 17 lipienia ŭ efiry Jeŭraradyjo zajaviła, što nie zabiare sa Śledčaha kamiteta zajavu, jakuju napisała na błohiera Siarhieja Cichanoŭskaha.
«Hety čałaviek niebiaśpiečny i dla dziaržavy, i dla hramadstva, — kaža Jarmošyna. — I nie pa majoj zajavie, ale i pa tych dziejańniach, jakija jon pradprymaŭ. Ja dumaju, hramadstva heta ŭbačyć, kali budzie iści sud».
Pra toje, što staršynia CVK padała zajavu ŭ SK na Cichanoŭskaha, stała viadoma ŭ siaredzinie červienia. U jaho dziejańniach jana pabačyła pahrozu dla siabie (padčas adnaho sa strymaŭ Siarhiej Cichanoŭski anansavaŭ «prychod u hości» da Lidzii Jarmošynaj). Była raspačata kryminalnaja sprava, artykuł — «Pieraškoda ažyćciaŭleńniu vybarčych pravoŭ…» (art. 191 KK). Pa im błohieru pahražajuć hramadskija pracy, abo štraf, abo papraŭčyja pracy — da dvuch hadoŭ, abo abmiežavańnie voli na termin da troch hadoŭ, albo pazbaŭleńnie voli na tyja ž try hady.
Cichanoŭski znachodzicca za kratami z 29 maja. Jaho abvinavačajuć pa niekalkich artykułach KK. Siarod ich — «arhanizacyja i padrychtoŭka hrupavych dziejańniaŭ, jakija hruba parušajuć hramadski paradak».
