Na bryfinhu 15 lipienia staršynia Bresckaha harvykankama Alaksandr Rahačuk raspavioŭ, što sioleta jość prablemy ź biudžetam. Tamu ŭ Breście nie kasili travu, paviedamlaje Bresckaja hazieta.
«Pa biudžecie ŭ nas jość prablemy. Ja nie budu taić: u nas trava niavykašanaja. Nie kasili travu ŭ horadzie Breście! Ja heta pryznaju. Trava nie kosicca nie tamu što chtości nie choča kasić, a tamu što jość abmiežavanyja resursy, jość pryjarytety. Važniej było vypłacić nastaŭnikam adpusknyja», — raskazaŭ mer.
Pavodle jaho słoŭ, usie pavinny dakładna razumieć, što zarobak biudžetnikaŭ płacicca za košt haradskoha biudžetu. Tamu pryjšłosia vybirać.
«Pytańnie takoje: dać adpusknyja nastaŭnikam ci pakasić travu? Heta ž finansavaje pytańnie. Adzin pakos travy kaštuje vielmi vialikich hrošaj. Choć, zdajecca, što tam, vyjšaŭ pakasiŭ», — patłumačyŭ Alaksandr Rahačuk.
