Na sajcie CVK źjavilisia proźviščy ludziej, što ŭvajšli ŭ śpis davieranych asob kandydata ŭ prezidenty Siarhieja Čeračnia. Usiaho davieranych asob moža być 30, ale ŭ Čeračnia takich nabrałasia tolki piatnaccać. Chto ž uvajšoŭ u hety śpis?
Najpierš adznačym byłoha kiraŭnika Biełarusi, staršyniu Viarchoŭnaha Savieta Stanisłava Šuškieviča. Mienavita Čeračniu Šuškievič pieradaŭ kiraŭnictva partyjaj «Hramada».
Siarod inšych viadomych asob — šoŭmien Dźmitryj Uranhiel, jaki hetym letam byŭ zvolnieny z telekanała ANT. Raniej jon vioŭ tam pieradaču «Padarožžy kapitana Uranhiela».
U śpisie davieranych asob akazaŭsia kulturołah, libierał Vadzim Mažejka, redaktar «Biełhaziety» Kiryła Žyvałovič, były lidar «Zubra» i palituciakač Źmicier Barodka, lidar staŭbcoŭskaj apazicyi Mikałaj Łysionkaŭ, kansultant Aleh Čumakoŭ, biźnies-vumen Viktoryja Strałkoŭskaja.
