U Biełaruś u žniŭni budzie pastaŭleny druhi tankier nafty z 80 tysiačami ton amierykanskaj nafty, zajavili ŭ kancernie «Biełnaftachim».
«Zhodna z płanam žnivieńskich pastavak, siońnia ŭ amierykanskim porcie Bamont staŭ pad zahruzku i rychtujecca da adpraŭki ŭ Biełaruś tankier z 80 tys. ton nafty hatunku White Eagle Blend (WEB)», — havorycca ŭ paviedamleńni kancerna.
Čas prybyćcia tankiera ŭ Kłajpiedu — 6-8 žniŭnia. Z Kłajpiedy pa čyhuncy naftu pastaviać na «Naftan».
Heta ŭžo druhi tankier u ramkach biełaruska-amierykanskaha supracoŭnictva pa dyviersifikacyi pastavak nafty dla biełaruskich NPZ. Hatunak WEB źjaŭlajecca sumieśsiu troch hatunkaŭ nafty (dvuch amierykanskich i adnaho kanadskaha). Jon śpiecyjalna raspracavany dla jeŭrapiejskich NPZ, aryjentavanych na rasijski Urals.
Pieršy tankier prybyŭ u Kłajpiedu na pačatku červienia.