Siońnia advakaty Natalla Mackievič i Dźmitryj Łajeŭski naviedali Viktara Babaryku ŭ SIZA. Jak raskazali abaroncy Tut.by, Viktar Babaryka ŭžo viedaje pra ŭčarašniaje rašeńnie CVK, nie zhodny ź im, budzie abskardžvać usimi praduhledžanymi ŭ zakonie sposabami.
Fota Nadziei Bužan.
— Viktar Dźmitryjevič nastojvaje na tym, što infarmacyja ŭ jaho dekłaracyi dakładnaja, a inšyja ahučanyja akaličnaści nie dakazanyja. Jon siońnia nakiruje ŭ CVK zajavu ab aznajamleńni jaho z dakumientami, što stali padstavaj dla pryniaćcia rašeńnia ab admovie ŭ rehistracyi, pakolki hetyja źviestki jamu nie pradjaŭlalisia raniej. I hatovy vykłaści svaju pazicyju sudu, jaki budzie razhladać skarhu na rašeńnie CVK, — skazali advakaty.
Sam Viktar Babaryka, pa słovach abaroncaŭ, trymajecca mužna, jon nastrojeny zmahacca — jak jon padkreśliŭ, niezaležna ad taho, kolki času heta zapatrabuje, pierš za ŭsio tamu, što vysoka cenić padtrymku, akazanuju jamu ludźmi.