Skrynšot ź videa
Voś hety videazvarot, raspaŭsiudžany Śviatłanaj Cichanoŭskaj praz telehram-kanał «Kraina dla žyćcia». Nižej prapanujem jaho tekstavuju viersiju.
«Darahija maje biełarusy!
Siońnia pa ŭsich zakonach žanru ja pavinna była b zapisać niejki videazvarot z nahody svajoj rehistracyi kandydatam u prezidenty Respubliki Biełaruś. Ale jak ja mahu pra heta dumać, kali ja baču, što adbyvajecca na vulicach Minska i ŭ inšych haradach našaj respubliki.
Supracoŭniki MUS, AMAP, što vy robicie?
Vy prosta źbivajecie svaich maci, siaścior, bratoŭ, dziaciej.
Ludzi vyjšli na mirny pratest. Ludzi vyjšli, kab vykazać svajo niezadavalnieńnie isnaj sistemaj. Ludzi vyjšli za svajo žadańnie žyć u svabodnaj krainie. Za žadańnie mieć sumlennyja vybary.
Našto vy svaimi dziejańniami raspalvajecie ŭ sercach ludziej jašče bolš niehatyŭnych emocyj da sistemy?
Vy razumiejecie, što vašymi rukami robicca hienacyd?
Spyniciesia, kali łaska. Mnie balić hladzieć na ŭsio hetaje biezzakońnie, što adbyvajecca ciapier.
Spyniciesia, ja vas prašu», — zajaviła Śviatłana Cichanoŭskaja.
Nahadajem, što Cichanoŭskaja adzinaja z apazicyjnych pretendentaŭ atrymała rehistracyju ŭ jakaści kandydata ŭ prezidenty. Ale jaje muž, videabłohier Siarhiej Cichanoŭski, zastajecca ŭ turmie. U turmie siadzić i Viktar Babaryka, jakoha Centrvybarkam kandydatam nie zarehistravaŭ.
