Na kanale ANT vyjšaŭ čarhovy siužet pra našumiełuju «spravu Biełhazprambanka». Śćviardžajecca, što ŭ centralnym ofisie ŭ Minsku doŭhi čas pracavała tak zvanaja «čornaja kasa».
Jakija pretenzii vystaŭlajucca Babaryku?
Pa-pieršaje, kažuć, što «dla svaich» valutu nibyta mianiali pa śpiecyjalnym kursie. U pryncypie, heta zvykłaja praktyka bolšaści bankaŭ — dla klijentaŭ ź vialikimi sumami na abmien vystaŭlajucca bolš vyhadny kurs.
Druhaja pretenzija datyčycca kupli i prodažu ablihacyj «na pradjaŭnika». Kali ablihacyi kuplajucca na vialikuju sumu — bolš za pryblizna $11 500, — treba pakazvać pašpart. Tady imia pakupnika zanosicca ŭ śpiecyjalnuju bazu. Ale kali kuplać, naprykład, 10 razoŭ pa $10 tysiač, to dakumienty možna nie pakazvać. Tak i rabiła kiraŭnictva Biełhazprambanka. Zrešty, takoj ža niezabaronienaj schiemaj mohuć karystacca i lubyja inšyja hramadzianie.
