Advakaty Viktara Babaryki Natalla Mackievič i Dźmitryj Łajeŭski naviedali svajho padabaronnaha ŭ śledčym izalatary KDB. Jany raspaviali TUT.BY, što pretendent u prezidenty nie bačyŭ «śpiecrasśledavańnia» ANT — u kamiery ŭ toj dzień zdarylisia niepaładki z televizaram.
Abaroncy Babaryki adznačajuć, što prablemy z trapleńniem u SIZA KDB na sustreču z padabaronnym ŭsio jašče jość — davodzicca zajmać čarhu za sutki.
— Nieabyjakavyja ludzi zaniali dla nas čarhu na naviedvańnie jašče ŭ niadzielu dniom, mianialisia praź niejki čas, stajali ŭsiu noč.
U vyniku my byli pieršymi i zmahli narmalna pahavaryć ź Viktaram Dźmitryjevičam. Jon uražany tym, što ludzi stajali ŭ čarzie da ranicy, mierźli pad daždžom i vietram, jon vielmi ŭdziačny za takuju padtrymku. Dla jaho heta vielmi važna. I my, advakaty, viadoma ž ad siabie taksama ščyra ŭdziačnyja ludziam za takuju kaštoŭnuju dapamohu. My abmierkavali šerah skarhaŭ, padadzienych nami na minułym tydni Hienieralnamu prakuroru. Cikava, što «śpiecrasśledavańnie» ANT, jakoje tranślavałasia ŭ minuły čaćvier 9 lipienia, Viktar Dźmitryjevič nie ŭbačyŭ, pakolki ŭ hety čas byli niepaładki z televizaram u kamiery. Takuju reakcyju techniki my aceńvajem stanoŭča, — kažuć advakaty Viktara Babaryki.
