Pra heta jana zajaviła ŭ Hrodnie, kudy pryjechała na sud nad aktyvistam Ježy Hryhienčam, jakoha sudzili za Łancuh salidarnaści, što prajšoŭ 19 červienia (jamu dali 10 sutak), piša hrodna.life.
«Siońnia ja źjaŭlajusia adzinym apazicyjnym i realnym praciŭnikam dziejučaha kiraŭnika dziaržavy, — zajaviła jana. —
Pa-prajeŭrapiejsku nastrojenym, što nie paddaŭsia ŭpłyvu rasijskich lalkavodaŭ. I ja vykarystoŭvaju ŭ svaich ahitacyjnych materyjałach biełaruskuju movu, vystupaju za viartańnie Dnia Niezaležnaści na 25 sakavika, kali sapraŭdy ŭ Biełarusi ŭ najnoŭšaj historyi paŭstała prava na niezaležnaść».
Kanapackaja padkreśliła, što jana adzinaja, chto vystupała i vystupaje za denansacyju damovy pamiž Rasijaj i Biełaruśsiu.
— Kaho z sapiernikaŭ siońnia ličycie samym surjoznym, akramia Alaksandra Łukašenki?
— U hetaj elektaralnaj kampanii tolki ja i Alaksandr Ryhoravič. Bolš nikoha z realnych palitykaŭ, jakija mahli b sapraŭdy pradjaŭlać pretenzii na ŭładu, niama.
Taksama jana skazała, što nie dumaje zdymacca z vybaraŭ, kab nie lehitymizavać ich.
«Siońnia my bačym, što padtrymka sapraŭdy nie 60-70%, jak heta było 20-30 hadoŭ tamu. I my nie viedajem, jak budzie adbyvacca padlik hałasoŭ. My razumiejem, što adna sprava, kali ludzi, jakija siadziać u terytaryjalnych kamisijach, bačać, što ŭ ich pryjšli za kandydata prahałasavali 50-60%, ale jany zapluščvajuć vočy i pišuć 63% ci 73%. Siońnia, kali padtrymka składaje 25-27%, moža, u ich nie padymiecca ruka napisać inšyja ličby», — miarkuje Kanapackaja.
Jana dadała, što «vielmi mnohija pretendenty na kandydactva vykanali svaju zadaču».
«Ja raniej kazała, što vielmi składana 20 hadoŭ być słuhoj režymu, a potym raptoŭna pierarabicca ŭ revalucyjaniera-refarmatara. Babaryka ŭ tym liku. Heta niemahčyma. Niahledziačy na heta, ja žadaju ŭdzielnikam elektaralnaj kampanii sił i mužnaści», — kaža Kanapackaja.
