Pavodle apytańnia exit poll, praviedzienaha niezaležnaj sacyjałahičnaj słužbaj Ipsos, dziejučy prezident Andžej Duda atrymaŭ 50,4%, a Rafał Tšaskoŭski — 49,6%. U Ipsos paviedamili, što na padstavie hetaha daśledavańnia pakul niemahčyma dakładna pradkazać pieramožcu vybaraŭ. Chibnaść pry apytańni exit poll składaje 2 pracentnyja punkty, a roźnica ŭ padtrymcy pamiž dvuma kandydatami składaje 0,8 pracentnych punkta.
Duda — pradstaŭnik kirujučaj nacyjanalna-kansiervatyŭnaj kaalicyi PiS; Tšaskoŭski — mer Varšavy, namieśnik kiraŭnika apazicyjnaj libieralnaj «Hramadzianskaj płatformy».
Jaŭka na vybarach skłała 68,9%. Heta rekord dla Polščy, dzie zvyčajna na vybary prychodzić 50—60% vybarcaŭ.
Dziaržaŭnaja vybarčaja kamisija padviadzie aficyjnyja vyniki na praciahu 48 hadzin. Pa słovach jaje sakratara Mahdaleny Pietžak, krajni termin padviadzieńnia vynikaŭ hałasavańnia — poźni viečar aŭtorka.
Taksama polskija ŚMI adznačajuć, što ekzit-poły nie ŭličvajuć hałasoŭ za miažoj, dzie bolšaść vybarcaŭ hałasuje za libierałaŭ.
rp.pl
Pieršy tur prajšoŭ 28 červienia. Duda ŭ im nabraŭ 43,5%, Tšaskoŭski — 30,46%.
Pieršapačatkova vybary pavinny byli prajści ŭ mai, ale ich pieranieśli z-za karanavirusa.