Prezident Turcyi Redžep Taip Erdahan zajaviŭ, što Ankara nie aryjentujecca na mierkavańnie inšych dziaržaŭ u pytańni pieratvareńnia kompleksu Śviataja Safija ŭ miačeć, paviedamlaje Anadolu.
«Turcyja pryniała rašeńnie ab źmienie statusu Śviatoj Safii z muzieja na miačeć na padstavie žadańnia i voli naroda. Mierkavańnie inšych krain nie moža paŭpłyvać na naša rašeńnie», — skazaŭ Erdahan.
Jon dadaŭ, što tyja, chto krytykujuć Turcyju, «nie mohuć zmahacca ź isłamafobijaj na svajoj terytoryi» i nazvaŭ hetaje rašeńnie suvierennym pravam.
Nahadajem, Erdahan źmianiŭ status adnaho z samych staražytnych chryścijanskich chramaŭ u śviecie — sabora Śviatoj Safii ŭ Stambule. Pavodle jaho ŭkaza, ciapier sabor iznoŭ buduć vykarystoŭvać jak miačeć.
Budaŭnictva sabora Śviatoj Safii pačałosia ŭ 532 hodzie, a aśviačeńnie adbyłosia 27 śniežnia 537 hoda.
Sabor na praciahu 916 hadoŭ ličyŭsia samym vialikim chramam u śviecie, a paśla zavajavańnia horada ŭ 1453 hodzie turkami staŭ hałoŭnaj miačećciu Asmanskaj dziaržavy.
Sabor stahodździami ličycca simvałam zavajavańnia stalicy Vizantyjskaj impieryi.
24 listapada 1934 hoda heta słavutaść Stambuła atrymała status muzieja.
U 1985 hodzie sabor byŭ pryznany pomnikam suśvietnaj spadčyny JUNIESKA.
