U Minsku zatrymany prafiesijny atlet-bodzibiłdar, fitnes-instruktar Šota Łabžanidze. Pra heta paviedamiŭ jahony siabra Andrej Tkačoŭ.
«Pryjšli šeść čałaviek prosta ŭ zału, dzie jon treniravaŭsia, pakazali ksivu, nadzieli kajdanki i pavieźli na busie, nie skazaŭšy navat kudy!», — napisaŭ Andrej Tkačoŭ na svajoj staroncy fejsbuku.
Paźniej Tkačoŭ dadaŭ, što da Šoty pajechali dachaty pravodzić vobšuk.
Łabžanidze zatrymlivali 19 červienia na praśpiekcie Niezaležnaści, kali AMAP razhaniaŭ udzielnikaŭ «łancuha salidarnaści» i vypadkovych minakoŭ. Šata śćviardžaŭ, što sustrakaŭsia ŭ centry horada ź siabram, amapaŭcy prosta ŭziali jaho pad ruki sa słovami «zanadta pavolna idziacie».
Da paniadziełka 22 červienia jon pravioŭ na Akreścina, paśla čaho jaho asudzili da štrafu 540 rubloŭ.
U pratakole zatrymańnia było ŭkazana, što etničny hruzin vykrykvaŭ łozunhi «Sychodź!», «Svabodu palitviaźniam» i supraciŭlaŭsia pravaachoŭnikam.
