Takija miery zaściarohi zroblenyja z ulikam «niaprostaj epidemijałahičnaj situacyi», paviedamlaje vydańnie «Vićbičy»
Sioleta słužba biaśpieki padčas kancertaŭ u Letnim amfiteatry całkam pierakryje dostup da sceny hledačam, jakija zachočuć pavitać artystaŭ, padaryć im kvietki abo suvieniry.
— My nie možam admović haradžanam u zadavalnieńni pryjści na kancert z kvietkami, ale papiaredžvajem, što mahčymaści ŭručyć ich artystam nie budzie, - skazaŭ na bryfinhu dyrektar fiestyvalu, hienieralny dyrektar Centra kultury «Viciebsk» Hleb Łapicki.
Jon skazaŭ, što vyrašana pravieści fiestyvalnuju akcyju «Bukiet dabra» i adkryć dabračynny rachunak. Na jaho možna budzie achviaravać hrošy, pryhatavanyja na kvietki artystam. Hetyja srodki zatym buduć nakiravany na dapamohu dzieciam.
Cikava, ale zhodna z apošnimi zajavami aficyjnych asob, karanavirus u krainie amal pieramožany. Učora Minzdaroŭja naličyła ŭsiaho 187 vypadkaŭ.
«Słavianski bazar» projdzie z 16 pa 20 lipienia va ŭsiečanym farmacie. Usie kancerty buduć tolki na adkrytych placoŭkach.
