Fota Dźmitryja Bruško
Pieršy biełaruski čempijon Alimpijskich hulniaŭ 82-hadovy Siarhiej Makaranka, jaki atrymaŭ zołata ŭ viesłavańni ŭ 1960-m hodzie, u razmovie z Tribuna.com padzialiŭsia mierkavańniem pra situacyju z vybarami.
— Sočycie za situacyjaj z vybarami?
— Abaviazkova. Viadoma, saču. Płanšetam karystajusia. Usio niejak adnaboka. Hladziš u płanšet — i adny i tyja ž ludzi. Nie adčuvajecca ahnia. Nie viedaju, jak inšyja, ale ja nie adčuvaju. Ale baraćba — cikavaja, ale ŭ što heta vyljecca — nie mahu skazać.
— Pra alternatyŭnych pretendentaŭ u kandydaty sfarmavali mierkavańnie — pra Babaryku, Capkału, Cichanoŭskuju?
- Nie vielmi mocnaje. Toje, što ŭ płanšecie pišuć. Razmovy siarod ludziej. Zaraz praz karanavirus kantakty nievialikija — mała byvaješ u kalektyvie, u hramadstvie. Razmaŭlaješ mała, akramia jak pa telefonie. Šmat infarmacyi niama, choć mnohija kažuć, što zadavolenyja, što jość takaja alternatyva, što jość baraćba. Heta prymušaje kandydataŭ pahladzieć na patreby naroda — takija voś vykazvańni.
- Bačyli pratestnyja akcyi ŭ haradach Biełarusi?
- Nie bačyŭ, akramia jak u płanšecie. Ja nie byŭ u horadzie, nie bačyŭ hetaha. Ale płanšet — heta płanšet. Naohuł, u hetym płanie internet… bolš za ŭsio tam brudu, čym naturalnych, zdarovych adnosin.
- Jak vam zdajecca, ludzi majuć prava vychodzić i vykazvać svaju pazicyju?
— Biezumoŭna. Viadoma, majuć prava. Heta ž kraina ludziej. Heta nie ich kraina — nie kandydataŭ, nie prezidenta kraina, a ludziej. Ludzi majuć prava vykazać svajo mierkavańnie, skazać svajo słova, zapatrabavać, vykazać svaje pažadańni, mierkavańni. Viadoma, heta kraina ludziej, i da mierkavańnia ludziej treba prysłuchoŭvacca.
— A toje, što pravaachoŭnyja orhany žorstka zatrymlivajuć pratestoŭcaŭ, bačyli?
— Dumaju, heta, viadoma, niapravilna. Nie prysutničaŭ pry zatrymańni i nie mahu skazać pra heta. Nie viedaju, jak heta adbyvajecca, nie bačyŭ, nie ŭdzielničaŭ.
