8 lipienia ŭ tradycyjnym strymie kaardynatar štaba Viktara Babaryki Maryja Kaleśnikava raspaviała pra pieramovy z pradstaŭnikami inšych štaboŭ.
Kaleśnikava skazała, što pra abjadnańnie ź inšymi kandydatami jašče vielmi rana kazać. Spačatku treba dačakacca 14 lipienia, kab razumieć, chto budzie ŭ śpisie dla hałasavańnia.
«Tak, my majem znosiny z pradstaŭnikami niekatorych štaboŭ, padtrymlivajem adzin adnaho. Nam hetak ža, jak i vam, jość što abmiarkoŭvać. U nas va ŭsich skrali podpisy. Ciapier jak nikoli važna salidarnaść i padtrymka. Vielmi simvalična, što ŭ taki čas u nas jość siły zhurtavacca», — zajaviła Kaleśnikava.
Taksama Kaleśnikava zajaviła, što ŭ płanach kamandy Viktara Babaryki — rehistracyja palityčnaj partyi.
Nijakaj padrabiaznaj infarmacyi pra palityčnuju partyju kaardynatar štaba paviedamić pakul što nie moža.
