Ministerstva ŭnutranych spraŭ źviartaje ŭvahu, što praktyčna štodnia ŭ hramadskich miescach Biełarusi źjaŭlajucca roznyja nadpisy (havorka idzie pra palityčnyja łozunhi, ale viedamstva nie nazyvaje ich źmiest — «NN») i niekatorych aŭtaraŭ, maŭlaŭ, udajecca vyjaŭlać.
Viedamstva taksama apublikavała roliki, na jakim zatrymanyja ludzi «raskajvajucca» na kamieru. Adnak takoha pakarańnia ŭ zakanadaŭstvie nie praduhledžvajecca. Da taho ž sami ludzi nie viedali, što videa źjaviacca ŭ aficyjnych kanałach.
Čytajcie: MUS publikuje VIDEAprabačeńni — adzin chłopiec fotkaŭ aŭtazak, druhi namalavaŭ hrafici 3%
Jakuju metu pieraśleduje milicyja publikacyjaj takich videa i jakoha efiektu čakaje?
«Naša Niva» spytała heta ŭ pres-sakratara MUS Volhi Čamadanavaj.
«Nie treba parušać zakanadaŭstva dla chajpu, treba niejak bolš strymana siabie pavodzić», — adkazała Čamadanava.